మొదటినుంచీ ఆయన వివాదాస్పదుడు , అంతా తాను చెప్పినట్లే నడవాలన్న అధికార మదం, సీనియర్ నంటూ అహంకారం, ఇవి చాలవన్నట్లుగా అవినీతి - అక్రమాలు - ఆదాయానికి మించి ఆస్తులు ఇలా ఎన్నో... ఇప్పుడు తాజాగా మరొకటి బూతు సీడీలు ఇదంతా ఎవరో పెద్ద నేరగాడి చరిత్ర కాదు. సమాజంలో ఉన్నత స్థానంలో కలిగిన ఐఏఎస్ అధికారి కథ . ఆయన ఎవరో కాదు కర్ణాటకలో సీనియర్ ఐఏఎస్ అధికారి అయిన ఆ రాష్ట్ర క్రీడా యువజన శాఖ ప్రధాన కార్యదర్శి కపిల్ మోహన్ వ్యవహారం.
తాజాగా ఆయన ఇంట్లో చిన్నపిల్లల నీలిచిత్రాలు ఉన్న సీడీలు - హార్డ్ డిస్క్ లు దొరకడం కలకలం రేపింది. కపిల్ మోహన్ ఉంటున్న అపార్ట్ మెంట్ లో సీఐడీ - ఐటీ అధికారులు ఈ ఏడాది ఆగస్టు 5న సంయుక్తంగా సోదాలు చేశారు. రూ.4.30 కోట్ల నగదు - వజ్రాభరణాలు - 28 సీడీలు - ఒక హార్డ్ డిస్క్ ను వారు స్వాధీనం చేసుకున్నారు. అయితే... స్వాధీనం చేసుకున్న సీడీలు - హార్డ్ డిస్క్ లను లోకాయుక్త కు ఇవ్వగా దాన్ని తెరిచిన వారు షాక్ తిన్నారు. ఆ సీడీల్లో సాధారణ నీలిచిత్రాలతో పాటు కొన్నిటిలో చైల్డ్ పోర్నోగ్రఫీ దృశ్యాలు ఉన్నాయని గుర్తించారు. హార్డ్ డిస్కు నిండగా కూడా బూతు బొమ్మలే ఉన్నాయట. దీంతో బెంగళూరు నగర పోలీస్ కమిషనర్ మేఘరిక్ కు లోకాయుక్త సంస్థ ఏడీజీపీ ప్రేమ్ కుమార్ మీన లేఖ రాశారు. ప్రత్యేక దర్యాప్తు జరిపించాలని కోరారు. దెబ్బకు కపిల్ మోహన్ పై అక్రమాస్తుల కేసులతో పాటు పోర్నోగ్రఫీకి సంబంధించిన కేసులనూ పెట్టారు. అంత ఉన్నతాధికారికి ఇదేమి పాడుబుద్దో అంటున్నారు అందరూ
0 Komentar